مظاهرات بجامعة الأزهر بأسيوط احتجاجا علي قرار الإختلاط بكلية الطب

اعتصم اليوم الاثنين المئات من طلاب جامعة الأزهر بأسيوط احتجاجا علي الإختلاط بجامعة الأزهر ..
وردد المعتصمون هتافات منها شيخ الأزهر قول الحق دا حرام ولا لأ..
شيخ الأزهر يا امام أين أوامر القرآن ..
يا نائبنا صحي النوم النهارده أخر يوم ..
وكذلك ..الإختلاط فكرة مين ،فكرة قاسم بن أمين ..واللي تبعه يبقي مين ..يبقوا السادة المسؤلين..
الأزهر يريد منع الاختلاط ..
علي وعلي وعلي الصوت اللي بيهتف مش هايموت ..علي وعلي وعلي كمان بنات الأزهر لن تهان..
يا أستاذا للشريعه انهض لسد الذريعة..
مش ماشيين مش ماشيين واختلاطنا شئ مشين..
مش عاوزين اختلاط وديهم مع البنات..
ما تعبناش ما تعبناش دا الإسلام مش ببلاش..
يا أزهري قول الحق كله بيمشي ليه بالزق..يا أزهري قول الحق خايف علي دينك ولا لأ ..
ولا بنخاف ولا بنطاطي الأزهر صوته مش واطي
.
مش هانوطي ومش هانطاطي احنا كرهنا الصوت الواطي..
.
الأزهر الاسلامي عمره ما هيكون علماني ..
.
لا اختلاط لا اختلاط رغم كل القرارات..
.
الصحافة فيييين طلاب الأزهر أهم ..
.
هي كلمة واحدة صريحة اختلاطنا عار وفضيحة..
.
يا اختلاط وصلها رسالة الأزهر مليان رجالة..
واتجه الطلاب إلي نائب رئيس الجامعة الدكتور محمد عبد الشافي ..وللأسف بدون جدوي وقال يبقي الوضع علي ما هو عليه ..وترك الطلاب وانصرف بأسلوب لا يليق كأستاذ نائب للجامعة ..ومضي والطلاب يرددون استقيل استقيل ..وانتظر الطلاب بالمكتب وهم يرددون مش هانمشي..وجاء بعدها عميد كلية الطب بأسيوط ليقرر الأتي:
1_أن يأتي في الغد في حضور البنات ليخبرهم بأجازة مفتوحة لحين اتخاذ قرار وتخصيص أماكن لهم ..
2_أن يجتمع بعض الطلاب مع أعضاء هيئة التدريس بعد العشاء مباشرة بمكتب نائب رئيس الجامعة .. ليفكروا سويا ويتخذوا القرار المناسب في هذا الأمر ..
ثم انصرف الطلاب بعد هذين القرارين منتظرين اتخاذ الاجراءات التي تم الاتفاق عليها .....علي أنه إن لم يتم تنفيذ ماتم الاتفاق عليه سيقومون باعتصام مفتوح بجامعة الأزهر بكلية الطب بأسيوط .......

بجد يسلمووووووو ..وربنا معاهم يارب

بوركت وجزيت خيراااااا

يااارب وإيااكي ..مش مكفيهم بوظان الجامعات العامه وفسادها عاوزين يفسدوا الأزهر والطامه ان دا بقرار من شيخ الأزهر!!!

هو ف حد مبوظ الدنيا غيره هو وعلي جمعه