يا صاحبي..

يا صاحبي وينك لفت ضيقة البال _ أنت الوحيد اللي تعز الصداقة

يا صاحبي صكت علي صدري جبال _ أشيلها والصبر مر مذاقة

تعال وشوف الوقت وشلون ميال _ ما عاد لي في دفع الأحزان طاقة

اتعب وارددها علي كل موال _ وأشوف بحر الخوف يلمع زراقه

وأقول بكرة يمكن تزين الأحوال _ لكن هذا الحظ مكسور ساقه

أفك قلبي وأشتكي لك عن الحال _ وألقاك أعز من الأخو والرفاقه

أنثر همومي بين جيه وترحال _ وأنت تجمعني بذوق وأناقه

دايم أشوفك صادق بكل الأفعال _ نعم الصديق ونعم صدق العلاقه

يا صاحبي أفديك بالروح والمال _ وأهديك من بستان الأعماق باقه

يقصر زمن ولا يكون الزمن طال _ أنا خويك لو يجود وثاقه

الصحبه اللي مالها قدر واجلال _ تسقط ويسقط أسمها بالبطاقه

الصحبه اللي مالها قدر واجلال _ تسقط ويسقط أسمها بالبطاقة :)

جزيتي خيرااا ..شعر الصداقه راائع وخصوصا في اللي عنده صديق او حتي 2 مخلصين