خبر رد الدكتور حازم شومان علي اليوم السابع والعربية نت من انه اقتحم حفلة هشام عباس!!

خبر رد الدكتور حازم شومان علي اليوم السابع والعربية نت من انه اقتحم حفلة هشام عباس!!
اترككم مع كلام الشيخ نقلته عنه بالنص تقريبا وبإذن الله سأضع رد الشيخ صوتيا في قسم الخطب ..
يقول الدكتور حازم شومان :
ما كنت اظن ان احدا يحلف بك كذبا يارب اما قرأت بعض تعليقات الصحف النهارده الصبح أو سمعت عنها .. الي ذهابي عن حفلة من حفلات الاغاني .. بالامس للأسف الشديد يعني فوجئت بكمية من الاكاذيب كثيرة جدا ..انا مش عاوز اقول اسم المغني اللي كان في الحفلة .. و مش عاوز أقول اسم المكان اللي كان فيه الحفلة لأن ادارة هذا المكان لم يعاملوني الا بكل احترام .. وتقدير بل عرضوا علي ندوة في هذا المكان من أجل ان الواحد يدعو الشباب إلي الله .. الشباب اللي الواحد عايش حياته من أجل ان يوصلهم دعوة ربنا ..
فوجئت ان بيتقال إ بيتقال ان حازم شومان اقتحم الجامعة . سبحان الله كان يعني الدبابة سايبها برة ..وقنبله و يلا يا رجالة .. وسبحان الله ودخلت لوحدي يا اخوان ..
انا كنت داخل ومستشعر النبي و هو داخل جزيرة العرب و هو يدعو الناس لربنا
يقولو ان الدكتور حازم شومان ان الشباب هتفوا ضده سبحان الله هو لم يهتف الا واحد بس وما كانش ضدي هو مجموعة من الشباب وواحد ف وسطهم والانفعال بكلام الله قال ان لو الدكتور حازم شومان خرج كلنا هانخرج و نسيب الحفلة دا الهتاف اللي سمعته ..
اللي بيكذب بأه ع الدعاه إلي الله ويقول ان الدكتور حازم شومان اقتحم المسرح ..
سبحان الله انا رحت للإدارة وقلت اناعايز اتكلم خمس دقائق بس ..
مش معقولة ان يبقي في راقصات يطلعوا ع المسرح واللي بيكلموا عن ربنا لأ !!
قالو ان في شباب اجبروني اخرج واسيب المكان دا دول كانوا خارجيين معايا أصلا
القصه كلها ان كنت راجع من ندوة و كانت ناجحة بفضل الله ..وربنا قدر ان ارجع من مكان تاني غير اللي رحت منه..وفوجئت بعربيات مركز كتير جدا وتذكرت ان في حفلة لهذا المغني ..
والمنظر اللي افزعني وانا داخل مشهد الراقصات..ومنظر الديجيهات والاغاني ان داخل ان اقول ان دا حرام ما ينفعش
واستجابه الشباب كانت فوق الرائعة
يعني اللي بيقول ان اقتحمت المكان أنا ما اقتحمتش المكان ولا حاجة البدوجيردات اللي دخلوني أصلا اول ما شافوني قالو عاوزين نصور معاك قلتلهم ع شرط ادخلوني قالو ماشي ..
جي واحد من البوديجردات قعد يبكي و يقول ان عاوز اتوب ..وواحد من المغنين قال أنا تبت إلي الله و ناس بكت و ناس اتأثرت و الكلام كله متصور ..
جا ذوي الوجاهة عاوزين يقنعوني ان اخرج والشباب اعترضوا ..
الشيخ يقسم ان ما في شاب اعترض علي وجوده بل وجدت التأثر الرهيب من الشباب ..
انا فوجئت من الكلام ف جريده مشهورة ميمي وميكي انتوا عارفين ساويرس طبعا ..
سبحان الله .. كذب كالعربية نت التي كذبت وقالت ان الشيخ اقتحم المكان!!!
ومن بركه هذا العمل بفضل الله الشيخ يقول الراقصات مشوهم و الأضواء انطفت ..
والفرقه مشوها خالص وكذلك المغني..
هذا المكان التعليمي المفروض ما يبقاش فيه هذا الرقص!
الشيخ يقول وانا علمت كل الشباب ان ما يسبوش أي معصية و يسكتوا نزلوا ف كل مكان نزلوا مارينا وغيرها ..
الناس اللي بتقول ان الشيخ نازل يكسر يا جماعة دول اخواني دول واقفين ع شريط قطر وانا برجعهم عن المكان ..زي اللي حصل بالظبط ف حفلة تامر حسني والناس استجابت وضربوهم بالجزم ومشوهم ..
الشيخ ينهي كلامه .. يا جماعة الواحد عايش حياته عشان يدعو إلي الله ..و الدعوة في كل مكان في الشوارع مش في المساجد بس والفضائيات ..
ولما خرجت خرجت مع مجموعة من الشباب كتير .. ورئيس الجامعة و نائب رئيس الجامعة قالو احنا ما كناش عاوزين هذا الحفله .. و دا تبرئة لهؤلاء ..
الشيخ في آخر كلامه انا عايش حياتي عشان الشباب يعرفو ربنا وربنا يغفر لكل الجرايد والصحفيين ..
سبحان الله دا كلام الشيخ نسأل الله ان يحفظ الدكتور حازم شومان وان يغفر له وان ينفع به الإسلام و المسلمين ..

يارب ,,,,
حفظ الله اسد السنه الدكتور حازم,,,

اسأل الله أن يكثر من أمثال هذا البطل